Bachpan

Bachpan Ka Zamana Hota Tha
Khusiyo Ka Khazana Hota Tha,
Chahat Chand Ko Pane Ki
Dil Titli Ka Diwana Hota Tha,
Khabar Na Thi Kuch Subah Ki
Na Shamo Ka Thikana Tha,
Thak Har K Aana School Se
Par Khelne Bhi Jana Hota Tha,
Daadi Ki Kahani Hoti Thi
Parion Ka Fasana Hota Tha,
Barish Me Kagaz Ki Kasti Thi
Har Mosam Suhana Hota Tha,
Har Khel Me Sathi Hote The
Har Rista Nibhana Hota Tha,
Papa Ki Vo Daate Galti Par
Mom Ka Manana Hota Tha,
Gam Ki Juban Na Hoti Thi
Na Jakhmo Ka Paimana Hota Tha,
Rone Ki Vajah Na Hoti Thi
Na Hasne Ka Bahana Hota Tha,
Ab Na Rahi Vo Jindgi Jaisa
Bachpan Ka Zamana Hota Tha…